பள்ளத்தில் பஸ் கவிழ்ந்து எட்டு பேர் படுகாயம்

சிதம்பரம்:சிதம்பரம் அருகே பஸ் பள்ளத்தில் கவிழ்ந்து டிரைவர் உட்பட 8 பேர் காயமடைந்தனர்.சிதம்பரத்தில் இருந்து நேற்று காலை கவரப்பட்டு நோக்கி தனியார் பஸ் சென்று கொண்டிருந்தது. சிவபுரி அருகே சென்ற போது பஸ்சின் அச்சு முறிந்து அருகில் இருந்து வாய்க்காலில் கவிழ்ந்தது. இந்த விபத்தில் வயலூரைச் சேர்ந்த பஸ் டிரைவர் ராஜமூர்த்தி (40), சிவபுரி கல்வராயன் (45), வரகூர் பேட்டை அம்மாபொண்ணு (34) உட்பட 8 பேர் காயமடைந்தனர். உடன் சிதம்பரம் அரசு மருத்துவமனையில் சிகிச்சைக்காக சேர்க்கப் பட்டனர்.