மாணவர்களை வெட்டியவர் கைது

சிதம்பரம் : போதையில் கல்லூரி மாணவர்களை கத்தியால் வெட்டியவரை போலீசார் கைது செய்தனர்.






சிதம்பரம் வாகீச நகரைச் சேர்ந்தவர் சிட்டிபாபு. பஸ் நிலையம் அருகே பூக்கடை வைத்துள்ளார். நேற்று முன்தினம் மாலை அவரது கடைக்கு வந்த அண்ணா தெருவைச் சேர்ந்த மாரியப்பன் (29), சிட்டிபாபுவிடம் குடிபோதையில் தகராறு செய்தார். அப்போது அந்த வழியாக வந்த பாலிடெக்னிக் படிக்கும் மாணவர்களான புத்தூரைச் சேர்ந்த முகமது பாசில் (18), கடலூர் அடுத்த நடுவீரப்பட்டைச் சேர்ந்த அருள்ஜோதி (20) ஆகியோரை ஏன் இந்த வழியாக வருகிறீர்கள் எனக் கேட்டு கத்தியால் வெட்டினார். காயமடைந்த இருவரும் சிதம்பரம் அரசு மருத்துவமனையில் சேர்க்கப்பட்டனர். இதுகுறித்து சிதம்பரம் நகர போலீசார் வழக்குப் பதிந்து மாரியப்பனை கைது செய்தனர்.