கிரீஸ்,துருக்கி நாடுகளில் பயங்கர பூகம்பம்.பீதியில் வீடுகளை விட்டு வெளியேறிய மக்கள்

கிரீஸ் மற்றும் துருக்கியில் நேற்று பயங்கர பூகம்பம் ஏற்பட்டது. எனினும் உயிர்ச் சேதம் எதுவும் இல்லை. இதுகுறித்து கிரீஸ் தலைநகர் ஏதென்சில் உள்ள ஜியோடைனமிக் மையம் கூறுகையில், கிரீஸ் நாட்டின் ரோத்ஸ் தீவுக்கும் துருக்கியின் மேற்கு பகுதிக்கும் இடையில் ஏஜியன் கடலில் சக்திவாய்ந்த பூகம்பம் ஏற்பட்டது. ரிக்டர் அளவில் 5.8 புள்ளிகள் பதிவானது. எனினும் உயிர்ச் சேதம்

பொருட் சேதம் பற்றி உடனடி தகவல்கள் இல்லை என்று கூறியுள்ளது.

துருக்கியில் உள்ள புவியியல் ஆய்வு மையம் தெரிவிக்கையில், ஏஜியன் ரெசார்ட், துறைமுகம், அன்டாலியா போன்ற பகுதியில் பூகம்பம் உணரப்பட்டது. முதலில் 6.1 ரிக்டர் அளவிலும், பின்னர் 6 மற்றும் 4.9 என்ற அளவிலும் பூகம்பம் பதிவானது. எனினும், எந்த சேதமும் ஏற்படவில்லை என்று உறுதிப்படுத்தியது. எனினும், இரு நாடுகளிலும் மக்கள் பீதியில் வீடுகளை விட்டு வெளியேறினர். இதனால் பதற்றம் நிலவியது.