அரசு மருத்துவமனையில் இரவு பணியில்டாக்டர்கள் நியமிக்க மக்கள் வலியுறுத்தல்

பரங்கிப்பேட்டை:பரங்கிப்பேட்டை அரசு மருத்துவமனையில் இரவு நேரத்தில் தங்கி சிகிச்சையளிக்க டாக்டரை நியமிக்க வேண்டும் என பொதுமக்கள் கலெக்டருக்கு கோரிக்கை விடுத்துள்ளனர்.

பரங்கிப்பேட்டை அரசு மருத்துவமனையில் அகரம், புதுப்பேட்டை, சின்னூர், சாமியார் பேட்டை, புதுக்குப்பம், பு.முட்லூர், அரியகோஷ்டி, கிள்ளை உட்பட 20க்கும் மேற்பட்ட கிராமங்களில் இருந்து நோயாளிகள் சிகிச்சை பெறுகின்றனர். மருத்துவமனையில் உள் நோயாளி, வெளி நோயாளி, பிரசவ வார்டுகள், ஸ்கேன், எக்ஸ்ரே என அனைத்து வசதிகளும் உள்ளன.மருத்துவமனையில் நான்கு டாக்டர்களில் ஒரு டாக்டர் மாறுதலில் சென்றதால் தற்போது மருத்துவமனை மருத்துவ அலுவலரை சேர்த்து மூன்று டாக் டர்களே உள்ளனர். இதனால் கடந்த இரண்டு மாதமாக இரவு நேரத்தில் டாக்டர்கள் பணியில் இருப்பதில்லை.இரவில் தங்கி சிகிச்சையளிக்க டாக்டரை நியமிக்க கலெக்டர் நடவடிக்க எடுக்க வேண்டும்.


 Source: Dinamalar  photos pno.news