கிள்ளை : சிதம்பரம் அருகே மேலச்சாவடியில் உயர் மட்ட பாலத்திற்கு இணைப்புச் சாலை அமைக்கும் பணி துவங்கியது. சிதம்பரம் அருகே கான்சாகிப் வாய்க்காலில் இருந்த பழைய பாலம் வலுவிழந்தது. இதனால் வாகனங்கள் செல்வதால் பாலத்தில் அதிர்வு ஏற்பட் டது. அப்பகுதி விவசாயிகளின் கோரிக்கையைத் தொடர்ந்து சுனாமி அவசர காலத் திட்டம் 2005-06ல் 77 லட்சம் ரூபாய் நிதி ஒதுக்கி கான்சாகிப் வாய்க் காலில் உயர்மட்ட பாலம் கட்டிமுடிக்கப்பட்டது. சிதம்பரத்தில் இருந்து கொடிப்பள்ளம் மற்றும் அ.மண்டபம், ரயில் நிலையம் வழியாக வரும் வாகனங்கள் கிள்ளை, நவாப் பேட்டை, நஞ்சைமகத்துவாழ்க்கைப் பகுதிக்குச் செல்லும் வகையில் இணைப்பு சாலை அமைக்கும் பணி துரிதமாக நடந்து வருகிறது. இப்பணிகள் முடிந்து இம்மாதம் இறுதிக்குள் சாலை பயன் பாட்டிற்கு அனுமதிக்கப்பட உள்ளதாக அதிகாரிகள் தெரிவித்தனர்.
Source: Dinamalar
No comments:
Post a Comment