வேட்பாளரை கத்தியை காட்டிமிரட்டிய வாலிபர் கைது

பரங்கிப்பேட்டை:புதுச்சத்திரம் அருகே ஊராட்சித் தலைவர் பதவிக்கு போட்டியிடும் வேட்பாளரை கத்தியைக் காட்டி மிரட்டிய வாலிபரை போலீசார் கைது செய்தனர்.
குறிஞ்சிப்பாடி ஒன்றியத்திற்குட்பட்ட ஆலப்பாக்கம் ஊராட்சித் தலைவருக்கு அதே பகுதியைச் சேர்ந்த நாகராஜ், செல்வராஜ் போட்டியிடுகின்றனர்.
செல்வராஜிக்கு ஆதரவாக அதே பகுதியைச் சேர்ந்த அபிமன்யு தீவிரமாக தேர்தல் பணியில் ஈடுபட்டு வரும் நிலையில் இவர் நேற்று முன்தினம் வேட்பாளர் நாகராஜியிடம் கத்தியைக் காட்டி மிரட்டினார்.இதுகுறித்து நாகராஜ் கொடுத்த புகாரின் பேரில் புதுச்சத்திரம் போலீசார் வழக்குப்பதிந்து அபிமன்யுவை, 24 கைது செய்தனர்.