தேர்தலுக்குப் பிறகு ஸ்டாலின் குடும்பத்துடன் லண்டன் செல்வது உறுதி - ஜெயலலிதா!

கொளத்தூர் தொகுதியில் போட்டியிடும் அதிமுக வேட்பாளர் சைதை துரைசாமியை ஆதரித்து ஜெயலலிதா நேற்று பிரச்சாரம் செய்தார். பிரச்சாரத்தில் பேசிய ஜெயலலிதா தேர்தலுக்குப் பிறகு துணை முதல்வர் ஸ்டாலின் குடும்பத்துடன் ஸ்டாலின் லண்டன் செல்வது உறுதி என்று தெரிவித்தார்.
ஜெயலலிதா தமிழக மக்களின் நலனை விட கோடநாட்டையே பெரிதும் விரும்புவதாக ஸ்டாலின் பேசியதாகவும் கோட நாடு தமிழகத்தில் உள்ள குன்னூர் சட்டசபைத் தொகுதியில் உள்ளதாகவும் கோடநாட்டை தாம் பெரிதும் நேசிப்பதால் தமிழ்நாட்டையே தாம் நேசிப்பதை ஸ்டாலின் ஒத்துக் கொண்டுள்ளதாகவும் ஜெயலலிதா தெரிவித்தார். மேலும் ஸ்டாலின் தொகுதி மாறிய ரகசியத்தை வெளிப் படுத்த வேண்டும் என்றும் அடிக்கடி ரகசியமாக லண்டன் சென்று வரும் ஸ்டாலின் தேர்தலுக்குப் பிறகு குடும்பத்துடன் லண்டன் செல்வது உறுதி என்றும் பேசினார் ஜெயலலிதா.