பெண்களுக்கு இலவச நாப்கின் வழங்க தமிழக அரசு முடிவு

பெண்களுக்கு இலவசமாக நாப்கின் வழங்க தமிழக அரசு முடிவு செய்துள்ளது.

இது தொடர்பாக இன்று தமிழக அரசு வெளியிட்டுள்ள செய்திக்குறிப்பில் :
"பெண்களின் சிரமத்தைப் போக்கும் வகையில், வயது வந்த  பெண்களுக்கு மாதவிடாய் காலத்தில், மாநிலம் முழுவதும்  மாதவிடாய் இலவச பஞ்சு ( Napkins) வழங்க தமிழக அரசு முடிவு செய்துள்ளது. இதன்படி   பெண்கள், மாணவிகள் என அனைவருக்கும் மாதம்தோறும் வழங்கப்படும்.


பள்ளி மற்றும் கல்லூரிகளுக்கு அந்தந்த பள்ளி நிர்வாகம் மூலமும், வீட்டில் இருக்கும் பெண்களுக்குச் சுகாதார துறை அலுவலர்கள் மற்றும் கிராமப்புற செவிலியர், அங்கன்வாடி ஊழியர்கள் மூலம் வழங்கப்படும்.

2 மாதத்திற்கொரு முறை 6 எண்ணம் கொண்ட 3 பைகள் வழங்கப்படும். ஆண்டுக்கு 18 பைகள் வழங்கப்படும். இந்த பேக்கேஜ் சிறையில் உள்ள பெண் கைதிகளுக்கும் வழங்கப்படும். இரும்புச்சத்து மாத்திரை, குடல் புழு நீக்கல் மாத்திரை மற்றும் வளர் இளம்பெண் குறிப்பேடு ஆகியனவும் வழங்கப்படும்" என்று கூறப்பட்டுள்ளது.