தேர்தல் விதி மீறல் - தவ்ஹீத் ஜமாத் மீது வழக்கு

  தேர்தல் விதிமுறைகளை மீறியதாக அதிமுக மற்றும் தவ்ஹீத் ஜமாத் அமைப்பு மீது காவல் துறையினர் வழக்குப்பதிவு செய்துள்ளனர்.செங்கோட்டை அருகே உள்ள அச்சம்புதூரில் மதரசா முஸ்லிம் மேல்நிலைப்பள்ளியில் தேர்தல் தொடர்பான கூட்டம் நடத்த ஏற்பாடுகள் நடந்து வருவதாக தேர்தல் அதிகாரிகளுக்குத் தகவல் வந்தது.
 இதனையடுத்து காவல் துறையினர் அங்கு சென்று விசாரணை நடத்தினர். அனுமதியின்றி கூட்டம் நடத்த ஏற்பாடு செய்ததாக அதிமுகவைச் சேர்ந்த அலியார் உள்பட 20 பேர் மீது வழக்குப்பதிவு செய்யப்பட்டது. தென்காசி பள்ளிவாசலில் ஒலிபெருக்கி மூலம் தேர்தல் குறித்து பேசியதாக தவ்ஹீத் ஜமாத் நகர தலைவர் ஜலாலுதீன் உள்பட 30 பேர் மீதும் வழக்குப்பதிவு செய்யப்பட்டது.



Source: http://www.inneram.com/2011032814986/case-against-admk-and-tntj