நூலகத்திற்கு வேலைவாய்ப்பு:விண்ணப்பங்கள் வரவேற்பு

கடலூர்:நூலகவியல் பட்டப்படிப்பு பயின்றவர்களுக்கு அரசு வேலைவாய்ப்பு அளிக்க முன்வந்துள்ளது.பொது நூலக இயக்ககம், சென்னை 2ல் செயல்படவுள்ள கோட்டூர் புரத்தில் உள்ள அண்ணா நூற்றாண்டு நூலகத்திற்கு ஆசிரியர் தேர்வு வாரியம் மூலம் 99 நூலகர் பணியிடங்கள் நிறைவு செய்யப்படவுள்ளன.2010-11ம் ஆண்டிற்கான நூலகப் பணியாளர்கள் நியமனத்திற்கான போட்டி எழுத்துத்தேர்வு ஆசிரியர் தேர்வு வாரியத் தால் வரும் 28, 29 தேதிகளில் 9 மையங்களில் நடக்கிறது. தேர்வுக்கான விண்ணப்ப படிவங்கள் அனைத்து மாவட்ட நூலக அலுவலகங்களிலும் வரும் 6ம் தேதி வரை விற்பனை செய்யப்படவுள்ளது.பூர்த்தி செய்யப்பட்ட விண்ணப்பங்கள் அதே மாவட்ட நூலக அலுவலகத்தில் இம் மாதம் 6ம் தேதி மாலை 6 மணி வரை சமர்ப்பிக்கலாம்.விண்ணப்ப படிவ தொகை மற்றும் தேர்வுக் கட்டணம் சேர்த்து ஒரு பதவிக்கு 500 (தாழ்த்தப் பட்டோருக்கு 250) ஒன்றுக்கு மேற்பட்ட பதவிகளுக்கு விண்ணப்பிப்போர் அதற்கேற்ற தொகையினை சென்னையில் மாற்றத்தக்க வங்கி வரையோலையாக பெற்று கடலூர் மாவட்ட மைய நூலகத்தில் நேரடியாக செலுத்தி விண்ணப்பத்தினை பெற்றுக் கொள்ளலாம்.

நன்றி தினமலர்