பரங்கிப்பேட்டை : பரங்கிப்பேட்டையில் வாக்காளர் பெயர் பட்டியலில் அடுத்தடுத்த வார்டுகளுக்கு பெயர்கள் மாறியுள்ளதால் மக்கள் குழப்பமடைந்துள்ளனர். பரங்கிப்பேட்டை பேரூராட்சிக்குட்பட்ட 18 வார்டுகளும் தற்போது ஏற்பட்டுள்ள தொகுதி சீரமைப்பில் சிதம்பரம் சட்டசபை தொகுதிக்குட்பட்டு வருகிறது. பரங்கிப்பேட்டை 8வது வார்டில் உள்ள சஞ்சீவிராயர் கோவில் தெருவைச் சேர்ந்தவர்கள் 9வது வார்டுக்கும், அதே வார்டில் உள்ள போலீஸ் லைன் பகுதி 13வது வார்டுக்கும் பெயர்கள் மாறியுள்ளது.
இதனால் போலீஸ் லைன் பகுதியில் உள்ளவர்கள் அகரம் பகுதிக்குச் சென்று ஓட்டு போடவேண்டிய சூழ்நிலை ஏற்பட்டுள்ளது. இதுபோல் அனைத்து வார்டுகளிலும் பெயர்கள் இடமாற்றம் செய்யப்பட்டுள்ளதாக தெரிகிறது. வாக்காளர் பெயர் பட்டியல் சரிசெய்ய தேர்தல் அதிகாரிகளுக்கு மக்கள் கோரிக்கை வைத்துள்ளனர்.
Source: dinamalar
No comments:
Post a Comment