பரங்கிப்பேட்டை : புதுச்சத்திரம் அருகே தனியார் பஸ்சை பொதுமக்கள் சிறை பிடித்தனர். தம்பரத்தில் இருந்து புதுச்சத்திரத்திற்கு பூவாலை வழியாக தனியார் பஸ் சென்று வருகிறது.
திடீரென கடந்த நான்கு நாட்களாக பஸ் வரவில்லை. அரசு பஸ் மட்டும் அந்த வழியாக சென்று வருதால் பொதுமக்கள், பள்ளி மாணவர்கள், கட்டட தொழிலா ளர்கள் பாதிக்கப்பட்டனர். இந்நிலையில் நேற்று காலை தனியார் பஸ் புதுச்சத்திரத்தில் இருந்து சிதம்பரம் செல்வதற்கு பூவாலைக்கு வந்தது. ஆத்திரமடைந்த அப்பகுதி மக்கள் பஸ்சை வழிமறித்து சிறை பிடித்தனர். தகவலறிந்த புதுச்சத்திரம் இன்ஸ்பெக்டர் திருமால் சம்பவ இடத்திற்குச் சென்று பேச்சுவார்த்தை நடத்தினார். பஸ் தினமும் வருவதற்கு நடவடிக்கை எடுக்க வேண்டும் என பொதுமக்கள் கோரிக்கை வைத்தனர். நடவடிக்கை எடுப்பதாக உறுதியளித்ததைத் தொடர்ந்து பஸ் விடுவிக்கப்பட்டது. இதனால் அப்பகுதியில் பரபரப்பு ஏற்பட்டது.
Source:dinamalar
No comments:
Post a Comment