நெல்லிக்குப்பம் நகராட்சி துணைத் தலைவர்

  நெல்லிக்குப்பம் நகராட்சி துணைத் தலைவராக, அ.தி.மு.க.வைச் சேர்ந்த அப்துல் ரசீது பதவி ஏற்றார்.

நெல்லிக்குப்பம் நகராட்சித் தலைவராக நேரடி வாக்குப் பதிவில், சுதாகரன் ஏற்கெனவே தேர்ந்து எடுக்கப்பட்டு பதவி ஏற்று உள்ளார்.

நெல்லிக்குப்பம் நகராட்சியில் உள்ள 30 வார்டுகளில் அ.தி.மு.க. 9 வார்டுகளையும், சுயேச்சைகள் 12 வார்டுகளையும், தி.மு.க. 3 வார்டுகளையும், பா.ம.க. 2 வார்டுகளையும், விடுதலைச் சிறுத்தைகள் கட்சி 4 வார்டுகளையும்


கைப்பற்றின. சனிக்கிழமை துணைத் தலைவர் தேர்தல்

நடந்தது.

இதில் அ.தி.முக. சார்பில் அப்துல் ரசீதும், விடுதலைச்சிறுத்தைகள் கட்சி சார்பில் முருகவேலும் போட்டியிட்டனர்.

இதில் அப்துல் ரசீது, நகராட்சித் தலைவர் வாக்கு உள்ளிட்ட 23 வாக்குகளும், முருகவேல் 7 வாக்குகளும் பெற்றனர். சுயேச்சை உறுப்பினர் பார்த்தசாரதி வாக்கெடுப்புக்கு வரவில்லை.

இறுதியாக அப்துல் ரசீது துணைத் தலைவராக அறிவிக்கப்பட்டு பதவி ஏற்றார்.