பரங்கிப்பேட்டை அருகே ஏரியில் பெண் பிணம் கொலையா? போலீசார் விசாரணை

பரங்கிப்பேட்டை அருகே ஏரியில் பெண் பிணமாக கிடந்தார்.அவர் கொலை செய்யப்பட்டாரா? என்பது குறித்து தீவிர விசாரணை நடத்தி வருகின்றனர்.   ஏரியில் பெண் பிணம்   கடலூர் மாவட்டம் பரங்கிப் பேட்டை அருகே உள்ள மஞ்சக் குழி கிராமத்திற்கு செல்லும் வழியில் ஏரி உள்ளது.இந்த ஏரி...யில் உள்ள தண்ணீரில் மிதந்தபடி சுமார் 35 வயது மதிக்கத்தக்க பெண் ஒருவர் பிணமாக கிடந்தார். இதை நேற்று மதியம் அந்தவழியாக நடந்து சென்றவர்கள் பார்த்து பரங்கிப்பேட்டை போலீசாருக்கு தகவல் தெரிவித்தனர்.   அதன்பேரில் போலீஸ் சப்-இன்ஸ்பெக்டர் கலாவதி மற்றும் போலீசார் சம்பவ இடத்திற்கு விரைந்து சென்று விசாரணை நடத்தினர்.விசாரணையில் அந்த பெண் யார்?எந்த ஊரை சேர்ந்தவர்?எப்படி இறந்தார்? எதற்காக இங்கு வந்தார்? என்ற எந்த விவரமும் தெரிய வில்லை.   கொலையா?   இறந்து கிடந்த பெண் சிகப்பு நிறத்துடன் காணப்பட்டார்.அவர்நீலநிறத்தில் கட்டம் போட்ட சேலை அணிந்திருந் தார்.ஜாக்கெட் இல்லை.இது பற்றி கிராம நிர்வாக அலுவலர் கிருஷ்ணமூர்த்தி பரங்கிப்பேட்டை போலீசில் புகார் செய்தார்.அதன்பேரில் போலீசார் வழக்குப்பதிவு செய்து இறந்த பெண் யார்? அவரை யாராவது கொலை செய்தார்களா? என்று தீவிரமாக விசாரணை நடத்தி வருகின்றனர்.   மேலும் இறந்த பெண்ணை யாராவது கற்பழித்து வீசி சென்றார்களா? என் பது போன்ற பல்வேறு கோணங் களிலும் விசாரணை நடத்தி வருகின்றனர்.

Source:thinathanthi