மாவட்டத்தில் ஒரே நாளில் 33 பேர் மனு தாக்கல்

கடலூர் : மாவட்டத்தில் உள்ள 9 சட்டசபை தொகுதிகளுக்கு நேற்று 33 பேர் மனு தாக்கல் செய்துள்ளனர். கடலூர்: அ.தி.மு.க., சம்பத், பா.ஜ., குணசேகரன், ஜார்கண்ட் முக்தி மோட்சா ராஜன், சுயேட்சை கலியபெருமாள் ஆகியோர் தொகுதி தேர்தல் அதிகாரி ஆர்.டி.ஓ., முருகேசனிடம் மனு தாக்கல் செய்தனர்.
 பண்ருட்டி: தே.மு.தி.க., சிவக்கொழுந்து, மாற்று வேட்பாளர் அறிவொளி, பா.ஜ., செல்வக்குமார் தொகுதி தேர்தல் அதிகாரியான மாவட்ட ஆதிதிராவிட அலுவலர் திருவேங்கடத்திடம் மனு தாக்கல் செய்தனர். குறிஞ்சிப்பாடி: அ.தி.மு.க., சொரத்தூர் ராஜேந்திரன், தி.மு.க., மாற்று வேட்பாளர் ராமலிங்கம், பா.ஜ., வைரக்கண்ணு தொகுதி தேர்தல் அலுவலரான துணை கலெக்டர் (முத்திரைத்தாள்) நடராஜனிடம் மனுத் தாக்கல் செய்தனர். நெய்வேலி: அ.தி.மு.க., சிவசுப்ரமணியன், மாற்று வேட்பாளர் சுமதி, பா.ஜ., கற்பகம், லோக் ஜனசக்தி சார்பில் லில்லி ஆகியோர் தொகுதி தேர்தல் அதிகாரி கந்தசாமியிடம் மனு தாக்கல் செய்தனர். விருத்தாசலம்: பா.ஜ., பழமலை, பகுஜன் சமாஜ் கட்சி அருட்செல்வன் தொகுதி தேர்தல் அலுவலர் ஆர்.டி.ஓ., முருகேசனிடம் மனு தாக்கல் செய்தார். திட்டக்குடி: தே.மு.தி.க., தமிழ் அழகன், மாற்று வேட்பாளர் திராவிடச்செல்வி, வி.சி., கட்சி சிந்தனை செல்வன், மாற்று வேட்பாளர் தங்கம் தொகுதி தேர்தல் அலுவலரான பிற்பட்டோர் நலத்துறை அலுவலர் கணபதியிடம் மனு தாக்கல் செய்தனர். புவனகிரி: அ.தி.மு.க., செல்வி ராமஜெயம், மாற்று வேட்பாளராக இளஞ்செழியன், பகுஜன் சமாஜ் கட்சி சாமி, ஜார்க்கண்ட் முக்தி மோட்சா முத்து, சுயேட்சையாக தர்மநல்லூர் ராதாகிருஷ்ணன் தொகுதி தேர்தல் அலுவலரான மாவட்ட வழங்கல் அலுவலர் கல்யாணத்திடம் மனு தாக்கல் செய்தனர். சிதம்பரம்: பா.ஜ., வேட்பாளர் கண்ணன், ஜார்கண்ட் முக்தி மோட்சா கோவிந்தசாமி, கணபதி ஆகியோர் தொகுதி தேர்தல் அலுவலரான ஆர்.டி.ஓ., இந்துமதியிடம் மனு தாக்கல் செய்தார். காட்டுமன்னார்கோவில்: அ.தி.மு.க., முருகுமாறன், மாற்று வேட்பாளர் நளினி, வி.சி., ரவிக்குமார், பகுஜன் சமாஜ் கட்சி பாரதிதாசன், சுயேட்சை அழகிரி ஆகியோர் தொகுதி தேர்தல் அலுவலரான ஆணையர் (கலால்) கேசவமூர்த்தியிடம் மனுதாக்கல் செய்தனர்.


Source: Dinamalar