பொங்கல்: வெங்காயம் + 12 கிலோ மற்ற காய்கறிகள் ரூ.100க்கு விற்பனை

ஒரு கிலோ வெங்காயத்துடன் நாளை 14 ஜனவரி 2011 முதல் (வெள்ளிக்கிழமை) பொங்கல் காய்கறிகள் பை சென்னையில் விற்பனை செய்யப்படுகிறது. இந்தப் பையில், வாழைக்காய், அவரைக்காய், கொத்தவரங்காய், கத்தரிக்காய், சேப்பங்கிழங்கு, பிடிகரணை, கூர்க்கிழங்கு, மொச்சை, பரங்கிக்காய், பூசணிக்காய், நெல்லிக்காய், சர்க்கரைவள்ளிக்கிழங்கு ஆகிய 12 வகையான காய்கறிகளும், ஒரு கிலோ வெங்காயம், ஒரு கிலோ தக்காளி, ஒரு கிலோ உருளைக்கிழங்கு ஆகியவையும் உள்ளன. இதன் விலை ரூ.100.
தமிழ்ப் புத்தாண்டு, பொங்கல் பண்டிகையை முன்னிட்டு திருவல்லிக்கேணி நகர கூட்டுறவு சங்கத்தின் (டி.யு.சி.எஸ்.) காமதேனு சூப்பர் மார்க்கெட்டுகளில் ரூ.100-க்கு பொங்கல் பையும், கரும்பு ஒரு ஜோடி ரூ.25-க்கும் விற்கப்பட்டு வருகிறது. பொங்கல் பையில், சர்க்கரைப் பொங்கல் செய்ய தேவையான 7 பொருட்கள்-பொன்னி பச்சரிசி 1/2 கிலோ, உருண்டை வெல்லம் 1/2 கிலோ, பாசிப்பருப்பு 100 கிராம், முந்திரி, உலர் திராட்சை, நெய் ஆகியவை தலா 50 கிராம், ஏலக்காய் 5 மற்றும் கைப்பையுடன் பொங்கல் பை ரூ.100-க்கு விற்கப்படுகிறது. மேலும், சுவையான பெரிய கரும்பு ஒரு ஜோடி ரூ.25-க்கும், சிறிய கரும்பு ஒரு ஜோடி ரூ.22-க்கும் விற்கப்படுகிறது.
மேற்கண்ட தகவலை டி.யு.சி.எஸ். தனி அதிகாரி ஆர்.ஜி.சக்தி சரவணன் தெரிவித்துள்ளார்.