பரங்கிப்பேட்டை பேரூராட்சிக்குட்பட்ட பகுதிகளில் உள்ளாட்சித் தேர்தல் குறித்து பொதுமக்களுக்கு விழிப்புணர்வு ஏற்படுத்தும் வகையில் துண்டு பிரசுரம் ஒட்டப்பட்டுள்ளது.
கடலூர் மாவட்டத்தில் உள்ளாட்சி தேர்தல் இரண்டு கட்டமாக நடத்தப்படுகிறது. பரங்கிப்பேட்டை பேரூராட்சிக்குட்பட்ட பகுதிகளில் உள்ளாட்சி தேர்தல் குறித்து பேரூராட்சி அலுவலகம் சார்பில் பொதுமக்கள் கூடும் முக்கிய இடங்களில், விலை மதிப்பற்ற உங்கள் ஓட்டுகளை விற்காதீர்கள். உள்ளாட்சி நல்லாட்சியாக அமைய உங்களது ஓட்டு அவசியம்.
ஓட்டுரிமை நமது உரிமை தேர்தல் நாளன்று தவறாது ஓட்டளிப்போம். உள்ளாட்சி உயர்வுக்கு உங்கள் ஓட்டு அவசியம் உள்ளிட்ட 7 வாசகங்கள் அடங்கிய துண்டு பிரசுரம் ஒட்டப்பட்டுள்ளது. துண்டு பிரசுரங்களை அனைத்து பகுதிகளிலும் செயல் அலுவலர் ஜீஜாபாய் தலைமையில் ஊழியர்கள் ஒட்டினர்.
No comments:
Post a Comment