சிதம்பரத்தில் வாக்கு சேகரித்த ஸ்ரீதர்வாண்டையார்

சிதம்பரம், மார்ச் 22: சிதம்பரம் நகரில் திமுக கூட்டணியில் உதயசூரியன் சின்னத்தில் போட்டியிடும் மூவேந்தர் முன்னேற்றக்கழகத் தலைவர் ஜி.எம்.ஸ்ரீதர்வாண்டையார் செவ்வாய்க்கிழமை நகரில் பல்வேறு பகுதிகளுக்கு அமைச்சர் எம்.ஆர்.கே.பன்னீர்செல்வத்துடன் சென்று வாக்குகள் சேகரித்தார்.
அவருடன் திமுக நகரச் செயலாளர் கே.ஆர்.செந்தில்குமார், பொதுக்குழு உறுப்பினர் ஏ.எஸ்.திருநாவுக்கரசு, நகரமன்ற உறுப்பினர்கள் ஜேம்ஸ் விஜயராகவன், அப்புசந்திரசேகரன், ஏ.ஆர்.சி.மணி, மூமுக தலைமை நிலையச் செயலாளர் ஜி.செல்வராஜ் உள்ளிட்டோர் உடன் சென்றனர்.
சிதம்பரம் நகரில் உள்ள இசை வேளாளர் சங்கம், மகாவீர் ஜெயின் சங்கம், கட்டோட் ஜெயின் சங்கம், ஆயிர வைசியர் சங்கம், யாதவர் சங்கம், மீனவர் சங்கம், கார்காத்தார் சங்கம், மருத்துவ குல சங்கம், தமிழ்நாடு விஸ்வகர்ம கைவினைஞர் சங்கம், வியாபாரிகள் சங்கம், கட்டுமான பொருள் விற்பனையாளர் சங்கம், ஆட்டோ ஓட்டுநர் சங்கம், மோட்டார் தொழிலாளர் சங்கம், லாரி உரிமையாளர் சங்கம் ஆகிய அலுவலகங்களுக்கு வேட்பாளர் ஸ்ரீதர்வாண்டையார் அமைச்சர் எம்.ஆர்.கே.பன்னீர்செல்வத்துடன் சென்று நிர்வாகிகளை சந்தித்து ஆதரவு திரட்டினார்.மேலும் கொள்ளுமேட்டுத்தெருவில் உள்ள பள்ளிவாசலுக்கு சென்று முஸ்லிம் சமுதாய பிரமுகர்களிடம் ஆதரவு திரட்டினார்.

Source: dinamani